Bakı şəhərində yerləşən “QanunQayda” Hüquq və Təlim Mərkəzi fəaliyyətə başladığını rəsmi olaraq elan edib. Mərkəz hüquqşünaslar, vəkillər, mediatorlar və beynəlxalq biznes nümayəndələri üçün peşəkar inkişaf imkanları yaratmağı hədəfləyir.
Yeni yaradılan mərkəz Azərbaycanda beynəlxalq hüquq standartlarının təşviqi, xarici iqtisadi fəaliyyət üzrə praktiki biliklərin artırılması və hüquqi savadlılığın genişləndirilməsi istiqamətində ixtisaslaşmış tədris proqramları təqdim edir. Tədris prosesi müasir texniki avadanlıqla təchiz edilmiş təlim otaqlarında aparılır və həm Azərbaycan, həm də xarici ekspertlərin iştirakı ilə keçirilir.
Mərkəzin əsas fəaliyyət istiqamətlərinə beynəlxalq müqavilə hüququ, arbitraj, sanksiya risklərinin idarə edilməsi, xarici tərəfdaşların yoxlanılması (due diligence), mübahisələrin həlli mexanizmləri və digər aktual hüquqi mövzular üzrə təlim və proqramlar daxildir.
“QanunQayda”nın təsisçiləri bildirirlər ki, mərkəz hüquqi biliklərin praktiki tətbiqinə, real həyat nümunələri və beynəlxalq təcrübəyə əsaslanan tədris modelinə üstünlük verir. Məqsəd ölkədə hüquq təcrübəsinin inkişafına töhfə vermək və yerli mütəxəssislərin beynəlxalq standartlara uyğun kompetensiyalar qazanmasına şərait yaratmaqdır.
Mərkəz yaxın günlərdə yeni təlim proqramlarının başlanğıc tarixlərini açıqlayacaq və qeydiyyat prosesini aktivləşdirəcək.
Ünvan: Bakı, Səbail rayonu, Teymur Elcin küçəsi 6
Əlaqə: [email protected]
| qanunqayda.com
Telefon: +994 50 228 07 07